Bures boahtin Šaddananalysii

– Šaddanpolitihkalaš  veardidan ja analysa eiseváldi

Šaddananalysa lea stáhtalaš Ealáhus departemeantta vuoláš eiseváldi  mas lea ráđđehusa gohcumušas bargun analyseret ja  veardidit Ruoŧa šaddanpolitihka. Bajimus ulbmil lea nanostahttit Ruoŧa gilvofámu ja luovvat eavttuid eatnat  bargguide  stuorru fitnodagain riikka buot guovlluin.

Mii bargat veardidemiiguin, analysaiguin ja statistihkain viiddis ruoŧŧelaš ja riikkaidgaskasaš perspektiivvas. Min bargu čuožžu dieđalaš ja geahččaluvvon dovddiidusa  nalde ja min diehtovuođđu galgá leahkit vuođđun ráđđehusa ja riikkabeivviid politihkalaš mearrádusain. Min mielbargiin lea šaddanpolitihkalaš dohkálašvuohta máŋggain sierra surggiin. Mii ovttasbargat dan lassin eará eiseválddiiguin  ja geavahit olggobeal áššedovdiid olahan dihte buoremus vejolaš bohtosiid. Doaibma gáibida erenomáš lahka ovttasbarggu Ráđđehuskansliain

Min bargu

Šaddananalysa ulbmilin lea váldit ovdan diehtovuođu  ovdánanmielalaš šaddanpolitihkkii ja ovddidit riikkaidgaskasaš aktavuođa luovvama. Šaddananalysa lea ráđđehusa njunušgoddeeiseváldi veardidemiid,analysaid, olgoriikkavuđot máilmmiviidosašfáktema  ja ovddideami váste  šaddanpolitihka guovlluin.

Eiseváldi bargu sáhttá juhkkojuvvot dáidda deháleamos surggiide:

1.     Bálvalusat, bálvalushutkosat, ja doaibmi hutkkussystema.

2.     Olgoriikakantuvra globálalaš vejolašvuođaid buorrin geavaheami váste.

3.     Dievasmahtti doaimmat kapitálafuolaheapmái ja ráđđeaddimii

4.     Guovlluguovdasaš viidodaga mearkkahus buriide šaddanvejolašvuođaide oppa Ruoŧas.

5.     Statistihkka ja diehtovuođut oppalašgeahčastaga ja beavttálmahttima váste.

6.     Šaddanpolitihkka bissovaš ovdáneami váste.

Dat golbma ossodaga: Hutkkus ja globálalaš deaivvadanbáikkit, fitnodatdoaibman ja ealáhuseallin sihke geavahanvejolašvuohta ja báikkálaš šaddan, lea vásttus sierra surggiin doaibmaáššebáberlávkkas ja ovttasbargá  joksat buoremus bohtosa.

Šaddananalysa lea máilmmiviidosaš organisašuvdna mas leat 35 bargi. Oaivekantuvra lea Östersundas ja mis leat doaimmat Stockholmas, Brasilias, New Delhis, Pekingas, Tokios ja Washingtonis. D.C. Váldočálli namma lea Sonja Daltung.