Buorisboahtem Sjaddoguoradallamij (Tillväxtanalys)

Sjaddoguoradallam la stáhta fábmudahka Äládusdepartementa vuollásasj ja siján la ráddidusá dahkamus guoradallat ja árvustallat svieriga sjaddopolitijkav. Gájkbadjásasj ulmme l nannit svieriga gáhpustimfámov ja åvdeldimijt dahkat ienep bargguj ienep ja sjadde vidnudagájn rijka gájkka guovlojn.

Barggap árvustallamij, guoradallamij  statistijkajn vijdesbirástiddje svieriga ja rijkajgasskasasj perspektijvan. Mijá barggo l vuododum diehtagij ja tjårgugis máhtalgisvuohtaj ja mijá máhttudakvuodo galggi vuodon årrot politijkalasj vuojnojda ráddidusán ja rijkabiejvijn. Mijá barggijn li sjaddopolitijkalasj máhttudahka moatten umasse suorgen. Aktanbarggap vil ietjá fábmudagáj ja viehkken válldep vieres ássjedåbddijt ålåtjit buoremus båhtusijda. Doajmma l vuododum sieldes lahka aktanbargguj Ráddiduskansliddjajn.

Mijá dahkamus

Sjaddoguoradallama ulmme l åvdedit máhttudakvuodojt  åvddånim sjaddopolitijkkaj ja åvddånahttet aktavuohtaválldemav rijkajgasskasattjat. Sjaddoguoradallam la ráddidusá juogosfábmudahka árvustallamijda, guoradallamijda, ålggorijkkavuododum birásväráltváksjum ja åvddånahttem sjaddopolitijka suorgen. Fábmudagá dahkamus máhttá juogeduvvat dájda vuorodum guovlojda;

1. Dievnastusá, dievnastusinnovasjåvnå ja dåjmalasj innovasjåvnnåvuogádagá.
2. Ålggorijkkakontåvrå  ájmujda váldátjit globaliserima máhttelisvuodajt.
3. Ållestim dago kapitálladoalvvomij ja rádevaddemij.
4. Rijkadajvak dimensjåvnå ájnasvuohta buorre sjaddoåvdeldimijda ålles Svierigin.
5. Statistijkka ja dáhtábása ållesvuojnnuj ja dåjmalattjan dahkat
6. Sjaddopolitijkka nanos åvdedibmáj.

Gålmmå åssudagá: Innovasjåvnnå ja globála gávnadimsaje, Entreprenerravuohta ja äládus ja Álmmugij rabás ja dajvak sjaddo, åvdåsvásstádusáv adni dahkamuslågo umasslágásj åsijs ja aktanbarggi buoremus båhtusij. Sjaddoguoradallam la väráltbirástiddje organisasjåvnnå 40 barggij, Oajvvekontåvrrå l Staaren/Östersund ja miján la doajmma stádajn Stockholm. Generálladirektöra namma l Sverker Härd.